მთავარი / სიახლეები / სერია A / “იუვე” – “ბოლონია”: ფეხბურთელთა შეფასებები

“იუვე” – “ბოლონია”: ფეხბურთელთა შეფასებები

ტურინის „იუვენტუსმა“ სერია A-ს 33-ე ტურში „ბოლონიასთან“ ქულა დუშან ვლაჰოვიჩის 90-ე წუთზე გატანილი გოლით გადაარჩინა. ტურინელებმა ძალიან ცუდად ითამაშეს, რაზეც ფეხბურთელების შეფასების ქულებიც მოწმობს. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – თავისი საქმე გააკეთა, ცოტა იღბლის დახმარებით კარი მშრალად შეინახა სანამ შესაძლებელი იყო, შემდეგ კი არნაუტოვიჩის მომენტში არაფერი შეეძლო.

დე შილიო 5.5 – რამდენიმე სიტუაციაში ძალიან გაუჭირდა.

კინი შ.გ – ის ბოლო წუთებზე მოედანზე იყო, თუმცა არაფერი გაუკეთებია.

დე ლიხტი 5.5 – არნაუტოვიჩის გაკონტროლება მისთვის რთული გამოდგა. ტრავმა მიიღო და პირდაპირ გასახდელში წავიდა.

ბონუჩი 6 – როდესაც ის თამაშში ჩაერთო, „ბოლონია“ ვეღარ იტევდა.

კიელინი 5 – როცა საჭირო იყო ჩახურვებზე ყოველთვის ზუსტი იყო, მაგრამ გოლში მისი ყველაზე დიდი დანაშაულია, სწორედ ის ჩარჩა თამაშგარის ხაზში, რის გამოც არნაუტოვიჩის გოლი არ გაუქმდა.

ალექს სანდრო შ.გ – მან ბოლო წუთები ითამაშა.

პელეგრინი 5.5 – კარგად დაიწყო, მაგრამ შემდეგ ჰიკიმ გააკონტროლა.

ზაკარია 6 – ცდილობდა ნახევარდაცვაში სიჩქარე შეეცვალა.

კუადრადო 5 – ამჯერად იდეების გარეშე ითამაშა, ძალიან დაბნეული იყო. როცა მორატა წააქციეს, ცარიელ კარში ვერ გაიტანა.

დანილო 6.5 – ძალიან მარტო დატოვეს პირველი გოლის მომენტში, რეალურად ის „იუვეში“ საუკეთესო იყო, მიუხედავად იმისა, რომ ნახევარდაცვაში ითამაშა.

რაბიო 6 – კარგი საქმეებიც გააკეთა, ერთ-ერთი საუკეთესო იყო, მაგრამ 0:0-ზე საოცარი საგოლე მომენტი ვერ გამოიყენა.

დიბალა 5 – სულ უფრო და უფრო სევდიანი თამაშობს და მეორე ტაიმის დასაწყისში შეცვალეს.

ბერნარდესკი 5.5 – ვერასდროს ახერხებს სათადარიგო სკამიდან თამაშში ისეთი გადამწყვეტი წვლილი შეიტანოს, როგორც ეს ალეგრის სურს.

ვლაჰოვიჩი 6 – პირველი სახიფათო მომენტი მან შექმნა. შემდეგ ყველაფერში შეცდა, მაგრამ ბოლოს ქულის მომტანი გოლი მან გაიტანა.

მორატა 6 – 80 წუთის განმავლობაში შეუმჩნეველი იყო, მან გამოიმუშავა წითელი ბარათი, რომელზეც შეიძლებოდა პენალტიც იყო, მერე კი ვლაჰოვიჩს საგოლე პასი „მაკრატელა“ მოძრაობით გაუკეთა.

ალეგრი 4.5 – ახლა თუ „იუვე“ დარჩენილ ყველა მატჩს მოიგებს, სეზონს იმავე რაოდენობის ქულებით დაასრულებს, როგორც პირლომ. „იუვემ“ მხოლოდ მაშინ მოახერხა მცირედით კომბინაციური ფეხბურთის თამაში, როცა 11 9-ის წინააღმდეგ თამაშობდა. გუნდის ზრდა სულ უფრო და უფრო ნაკლებად შესამჩნევია.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …