“იუვე” – “ბოლონია”: ფეხბურთელთა შეფასებები

ტურინის „იუვენტუსმა“ სერია A-ს მერვე ტურში „ბოლონია“ ფილიპ კოსტიჩის, დუშან ვლაჰოვიჩისა და არკადიუშ მილიკის გოლებით 3:0 დაამარცხა და 31 აგვისტოს შემდეგ პირველად მოიგო. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – ის დაბრუნდა ძირითადში იმ საღამოს, როცა პერინი გასული თვის MVP-ის ტიტულით დააჯილდოვეს, რომელიც „იუვეს“ ტიფოზებისგან მიიღო. პოლონელს ბევრი საქმე არ ჰქონდა.

დანილო 6 – ის ყოველთვის ეხმარება გუნდს, მიუხედავად იმისა, რომ რამდენჯერმე შეცდომა დაუშვა.

ბრემერი 6.5 – კლდესავით იდგა, არნაუტოვიჩს ცუდი საღამო ჰქონდა.

ბონუჩი 6.5 – მაღალ პრესინგს თამაშობდა და ბურთით შეტევებსაც სწრაფად იწყებდა,

ალექს სანდრო 6.5 – ორსოლინი გააკონტროლა და კოსტიჩსაც ეხმარებოდა.

მაკკენი 6.5 – ბევრი სირბილი, ხან ფლანგზე, ხან ცენტრში, ბევრი დაბნეულობა, მაგრამ არასოდეს ნებდება და ვლაჰოვიჩს საგოლე პასი გაუკეთა.

კუადრადო შ.გ – მან ბოლო ნახევარი საათი ითამაშა და მესამე საგოლე შეტევაში მონაწილეობდა.

ლოკატელი 6.5 – ბრუნდება რეჯისტას პოზიციაზე. მისი არყოფნა „იუვეს“ ეტყობოდა.

მირეტი შ.გ – ამჯერად ახალგაზრდა ფეხბურთელმა ბოლო წუთები გაატარა მოედანზე.

რაბიო 6.5 – ლოკატელის მსგავსად, გუნდს მისი დაბრუნებაც დაეტყო. უნაკლო არ არის, მაგრამ ფუნდამენტურია.

დე შილიო შ.გ – მან ბოლო წუთები ითამაშა.

კოსტიჩი 7 – პირველი გოლი „იუვენტუსში“ ვლაჰოვიჩის პასით. კარგად ითამაშა და მცირე შეცდომები დაუშვა.

პარედესი შ.გ – არგენტინელი თამაშში მაშინ ჩაერთო, როცა პრაქტიკულად ყველაფერი გადაწყვეტილი გახლდათ.

მილიკი 7.5 – სუპერგოლი, მაგრამ ამას გარდა, ფუნდამენტურია გუნდის შეტევაში ხარისხის მისაცემად, ის ბევრად უფრო სუფთად თამაშობს, ვიდრე ვლაჰოვიჩი.

კინი შ.გ – მან მილიკი დაასვენა.

ვლაჰოვიჩი 7.5 – საგოლე პასი კოსტიჩს და ბევრი ბინძური სამუშაო, შემდეგ გოლი ღია თამაშიდან, რომელიც 15 აგვისტოს შემდეგ არ გაეტანა (სტანდარტების გარეშე). დადებითი საღამო ყველა თვალსაზრისით.

ალეგრი 7 – ამჯერად არაფერი შეშლია, ყველა ფეხბურთელი თავის პოზიციაზე დააყენა. აქედან ახალი „იუვე“ უნდა დაიწყოს.