მთავარი / სიახლეები / “იუვენტუსს” პარატიჩი ტოვებს, მისი შემცვლელიც ცნობილია

“იუვენტუსს” პარატიჩი ტოვებს, მისი შემცვლელიც ცნობილია

ტურინის „იუვენტუსს“ სპორტული დირექტორი ფაბიო პარატიჩი ტოვებს. იტალიური მედიის ცნობით, ეს უკვე გადაწყვეტილია და უახლოეს ხანში გაოფიციალურდება.

პარატიჩის „იუვესთან“ კონტრაქტი 30 ივნისს ეწურება და კლუბი მასთან თანამშრომლობას არ გააგრძელებს. ცნობილია, რომ მას ფედერიკო კერუბინი შეცვლის, რომელიც ამჟამად გენერალური მენეჯერის პოზიციას იკავებდა.

პარატიჩი „იუვენტუსში“ 2010 წლიდან მუშაობდა და მისი როლი კლუბის წარმატებებში დიდია, მაგრამ სწორედ მან გაუშვა გუნდიდან მასიმილიანო ალეგრი, რომლის დაბრუნება უკვე ძალიან რეალურია და ეს მხოლოდ იმ შემთხვევაში მოხდება, თუ პარატიჩი წავა.

კერუბინის სპორტულ დირექტორად დანიშვნის შემთხვევაში დაწინაურდებიან მისი ორი მარჯვენა ხელი ჯოვანი მანა და მატეო ტონგოცი, რომლებიც ამჟამად „იუვეს“ 23-წლამდე გუნდში მუშაობენ. პარატიჩის მომავალს კი ლონდონის „ტოტენჰემს“ უკავშირებენ.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …