ტურინის „იუვენტუსი“ „უდინეზესა“ და არგენტინის ნაკრების მარჯვენა მცველით, ნაუელ მოლინათი ინტერესდება.
იტალიური მედიის ცნობით, 24 წლის სამხრეთ ამერიკელზე კლუბებს შორის მოლაპარაკებები დაწყებულია. ჯერ კონკრეტული არაფერია, მაგრამ გუნდების მზაობა, ტრანსფერზე იმუშაონ არსებობს.
მოლინა „უდინეზემ“ 2020 წელს „როსარიო სენტრალიდან“ უფასოდ დაიმატა, ახლა კი 25-30 მილიონ ევროდ აფასებს. ის იტალიურ კლუბში შესანიშნავად თამაშობს და მიუხედავად იმისა, რომ მცველია, გასულ სეზონში 37 მატჩში 8 გოლი გაიტანა. არგენტინის ნაკრებში მას 16 შეხვედრა აქვს ჩატარებული და ბოლო დროის ძირითადი შემადგენლობის უცვლელი წევრია.