“იუვენტუსი” “აიაქსის” და ბრაზილიის ნაკრების შემტევით დაინტერესდა

ტურინის „იუვენტუსს“ ამსტერდამის „აიაქსისა“ და ბრაზილიის ნაკრების გარემარბი ანტონი დაუკავშირეს.

იტალიური მედიის ცნობით, „იუვე“ სამხრეთ ამერიკელი შემტევით დაინტერესებულია. ტურინში კარგად იციან, რომ ანტონის გადაბირება ადვილი არ იქნება, რადგან „აიაქსი“ მას 60-70 მილიონ ევროდ აფასებს.

რაც მთავარია, ფეხბურთელისთვის რიგი დგას და „იუვენტუსის“ გარდა, სერიოზულ ინტერესს მიუნხენის „ბაიერნი“ და „მანჩესტერ სიტი“ იჩენენ.

ანტონი მარჯვენა გარემარბია და განსაკუთრებით გამოსარჩევია მისი ტექნიკური თვისებები. ბრაზილიელს „აიაქსში“ ჩატარებულ 122 მატჩში 27 გოლი აქვს გატანილი.