“იუვემ” ბრემერის ტრანსფერზე “ტორინოსთან” შეთანხმებას მიაღწია

გლეისონ ბრემერი „იუვენტუსთან“ ძალიან ახლოსაა. იტალიური მედიის ცნობით, „ბებერი ქალბატონის“ ხელმძღვანელობამ „ტორინოსთან“ შეთანხმებას მიაღწია.

„ხარები“ 25 წლის ბრაზილიელი მცველის სანაცვლოდ 40 მილიონ ევროს მიიღებენ, რასაც ბონუსის სახით 7 მილიონი ევრო დაემატება.

ახლა „იუვემ“ შეთანხმებას ფეხბურთელის აგენტთან პირად კონტრაქტზე უნდა მიაღწიოს, თუმცა, ეს პრობლემას არ წარმოადგენს და სულ მალე ბრემერი ტურინის „იუვენტუსის“ ფეხბურთელი გახდება.

სამხრეთამერიკელი 5-წლიან კონტრაქტს გააფორმებს და სეზონში მისი ხელფასი 4 მილიონი ევრო იქნება.

შეგახსენებთ, რომ გლეისონ ბრემერი „ტორინოში“ 2018 წლიდან თამაშობს და 110 მატჩში 13 გოლის გატანა მოახერხა.