მთავარი / სიახლეები / ვლაჰოვიჩი: “ჩემი და “იუვეს” დნმ იდენტურია, სხვა გუნდზე არც მიფიქრია”

ვლაჰოვიჩი: “ჩემი და “იუვეს” დნმ იდენტურია, სხვა გუნდზე არც მიფიქრია”

ტურინის „იუვენტუსის“ ფეხბურთელმა დუშან ვლაჰოვიჩმა განაცხადა, რომ მისით „არსენალიც“ დაინტერესებული იყო, მაგრამ მას სხვა კლუბები არ აინტერესებდა და თამაში მხოლოდ ტურინულ გრანდში სურდა. სერბი ფიქრობს, რომ მისი და „იუვეს“ დნმ იდენტურია.

„მხოლოდ ერთ კლუბზე ვფიქრობდი, რადგან „იუვენტუსი“ „იუვენტუსია“. მეტი სათქმელი არაფერია. ახლა კი მაქვს პატივი და ამ მაისურს ვატარებ. ყოველჯერზე, როცა ვიცვამ ამ მაისურს, წარმოუდგენელი გრძნობაა, მათი დნმ ნამდვილად ჰგავს ჩემსას. „იუვენტუსის“ ხასიათი შეესაბამება ჩემს ხასიათს, როცა ამ გუნდში ხარ, არასდროს ნებდები, სულ იბრძვი, მსხვერპლს იღებ, სწორედ ეს მინდოდა.

მომწონს წნეხის ქვეშ თამაში. მომწონს დიდი მოლოდინი, რადგან მომწონს ადრენალინი, რომელიც ამ დროს არსებობს. ზედმეტი წნეხი არასდროს განმიცდია, შესაძლოა ახალგაზრდობაში უფრო ვგრძნობდი, მაგრამ ახლა არა და 10 წლის მერე უფრო ვიგრძნობ. დიდად არ მაინტერესებს, როცა წნეხზე საუბრობენ.

დასვენება არასდროს მინდა. კონცენტრირებული ვარ 24 საათი, კვირაში 7 დღე. ფეხბურთის მატჩებს სახლშიც ვუყურებ, რაც მსიამოვნებს, მაგრამ ამას ასევე იმისთვის ვაკეთებ, რომ გავაუმჯობესო ჩემი თამაში და ვისწავლო. უყურებ სხვის თამაშებს და შენს თავს წარმოიდგენ. ამბობ: „გავაკეთებდი ამას თუ სხვანაირად მოვიქცეოდი?“ ასევე მომწონს ოჯახთან და მეგობრებთან ერთად დროის გატარება. არ მიყვარს ვიდეო თამაშები, კარგად არ გამომდის. მირჩევნია სეირნობა, ადრე კითხვის დროც მქონდა, ახლა აღარ. ყველაფერს ფეხბურთს ვუძღვნი და ეს ჩემი თავგადასავლის დასაწყისია. საუკეთესო ჯერ კიდევ წინ არის“, – თქვა ვლაჰოვიჩმა.

შეგახსენებთ, რომ დუშან ვლაჰოვიჩი „იუვენტუსს“ იანვარში შეუერთდა და 21 მატჩში 9 გოლის გატანა მოახერხა.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …