Juventus.Ge ტურინის იუვენტუსის ქართული ფან კლუბი
ტურინის „იუვენტუსი“ გენუის „სამპდორიასთან“ სავარაუდოდ ლეონარდო ბონუჩის გარეშე ითამაშებს. ტრავმა სერიოზული არაა, მაგრამ კლუბში თავის დაზღვევას აპირებენ.
ვინ შეცვლის ბონუჩის? ფედერიკო გატი ან დანიელე რუგანი. გატიმ პრესეზონზე კარგი შთაბეჭდილება დატოვა და მასიმილიანო ალეგრისაც მოსწონს, მაგრამ მას სერია A-ში ერთხელაც არ უთამაშია. რუგანის კი გაცილებით დიდი გამოცდილება უმაგრებს ზურგს.
პრესეზონზე ბონუჩის გატი ცვლიდა, ბრემერს რუგანი და ამდენად, ფედერიკომ რომ ითამაშოს, შანსი უფრო დიდია. თუმცა, არაა გამორიცხული დაცვის ცენტრში ბრემერს დანილო შეუწყვილდეს და მარჯვენა მცველის პოზიციაზე მატია დე შილიომ ითამაშოს.
შეგახსენებთ, რომ „იუვენტუსი“ გენუის „სამპდორიას“ 22 აგვისტოს, სტუმრად დაუპირისპირდება.
