ბელგიის ნაკრების ნახევარმცველმა კევინ დე ბრუინმა იტალიის ნაკრებთან მატჩის (1:2) შემდეგ კომენტარი გააკეთა. როგორც მან თქვა, ბელგიას არ ჰყავს იმდენი მაღალი დონის მოთამაშე, როგორც იტალიას და საფრანგეთს.
„სრული პატივისცემით: ჩვენ „მხოლოდ“ ბელგია ვართ, ახალი თაობა და დღეს ბევრი ფეხბურთელი გვაკლდა, მათ შორის, აზარი და ლუკაკუ. რეალისტები უნდა ვიყოთ: იტალიას და საფრანგეთს 22 ტოპფეხბურთელი ჰყავთ, ჩვენ – არა“, – თქვა დე ბრუინმა.
შეგახსენებთ, რომ იტალიის ნაკრებმა ერთა ლიგის მესამე ადგილისთვის შეხვედრაში ბელგია 2:1 დაამარცხა.