მთავარი / სიახლეები / დეპაის ტრანსფერი ჩიხშია, “იუვემ” შეიძლება მილიკი ან არნაუტოვიჩი დაიმატოს

დეპაის ტრანსფერი ჩიხშია, “იუვემ” შეიძლება მილიკი ან არნაუტოვიჩი დაიმატოს

მემფის დეპაის „იუვენტუსში“ ტრანსფერი ჩაშლის პირასაა, იმის მიუხედავად, რომ ფეხბურთელმა „ბარსელონასთან“ კონტრაქტის გაწყვეტაზე შეთანხმებას პრაქტიკულად მიაღწია.

მანამდე პრობლემა სწორედ კონტრაქტის გაწყვეტა იყო, „იუვესთან“ შეთანხმება არსებობდა, მაგრამ ბოლო მომენტში მოულოდნელად დეპაიმ მოთხოვნები შეცვალა. ნიდერლანდელს „იუვე“ ხელფასის სახით 5 მილიონ ევროს პირდებოდა, ახლა კი მემფისი სეზონში 7 მილიონ ევროს ითხოვს, რამაც მოლაპარაკებები ჩიხში შეიყვანა.

პარალელურად, „იუვენტუსი“ ალტერნატიულ ვარიანტებზე მუშაობს და არკადიუშ მილიკისა და მარკო არნაუტოვიჩის შანსები იზრდება. თანაც, მასიმილიანო ალეგრის დუშან ვლაჰოვიჩის ნამდვილი დუბლიორი სურს – ანუ, სტილით იგივე ფეხბურთელი, რასაც დეპაიზე ვერ ვიტყვით. მილიკიც და არნაუტოვიჩიც ამ კრიტერიუმებს აკმაყოფილებენ, თან გაცილებით დაბალ ხელფასზე სათამაშოდ მზად არიან.

სამივე ფეხბურთელზე მუშაობა გრძელდება და წესით, ტურინელებმა ერთ-ერთის დამატება სატრანსფერო ფანჯრის დახურვამდე უნდა მოახერხონ. თუმცა, რომელი იქნება ეს ერთი, ამას რამდენიმე დღეში გავიგებთ.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …