იტალიის ფეხბურთის ფედერაციის პრეზიდენტმა გაბრიელე გრავინამ ევროპის ჩემპიონატზე იტალიის ნაკრების მინიმალური მიზანი დაასახელა. გრავინას თქმით, „სკუადრა აძურა“ მინიმუმ ნახევარფინალში უნდა გავიდეს.
„იტალიის ნაკრები დღეს ჩვენი მუშაობის ამოსავალი წერტილია. ჩვენს პროექტს მყარი საფუძვლები აქვს. ჩვენ დიდი ოჯახი ვართ. ევროპის ჩემპიონატზე მინიმალური მიზანია „უემბლიზე“ მოხვედრა (ნახევარფინალი) და ამისთვის ცოტა იღბალიცაა საჭირო“, – თქვა გრავინამ.
შეგახსენებთ, რომ იტალიის ნაკრები ევროპის ჩემპიონატის პირველ ტურში 11 ივნისს, თურქეთის ნაკრებს უმასპინძლებს.