გადაწყდა – მასიმილიანო ალეგრი “იუვენტუსში” ბრუნდება

ტურინის “ოუვენტუსს” მასიმილიანო ალეგრი გაწვრთნის. იტალიური მედიის ცნობით, ყველაფერი გადაწყვეტილია და უახლოეს საათებში ინფორმაცია ოფიციალურად დადასტურდება.

ალეგრის და კლუბს შორის შეთანხმება შედგა. მაქსს მადრიდის “რეალიც” იწვევდა, მაგრამ ესპანურ კლუბს უარი ორჯერ შეუთვალა. ალეგრი ანდრეა პირლოს შეცვლის, რომელიც გუნდს 1 სეზონის შემდეგ დატოვებს.

პირლომ “იუვეს” იტალიის თასი და იტალიის სუპერთასი მოაგებინა, მაგრამ ჩემპიონთა ლიგაზე და იტალიის ჩემპიონატში გუნდმა ნამდვილად წარუმატებელი სეზონი ჩაატარა, რაც ცვლილების საფუძველი გახდა.

მასიმილიანო ალეგრი კი “იუვენტუსში” ორწლიანი პაუზის მერე ბრუნდება. მან 2014-2019 წლებში კლუბს 11 ტიტული მოაგებინა, გუნდიდან წასვლის შემდეგ კი ორი სეზონი უმუშევარი იყო.

BREAKING: Massimiliano Allegri is returning to Juventus to replace Andrea Pirlo as manager, Goal can confirm ⚪️⚫️ pic.twitter.com/h7PjBdRwA3

— Goal (@goal) May 27, 2021