ვეტერანმა მცველმა ანდრეა ბარძალიმ განაცხადა, რომ ჯორჯო კიელინი შეუცვლელია, განსაკუთრებით იმ ლიდერის თვისებებით, რომელიც ჯორჯოს ჰქონდა.
„იტალიის ნაკრების მიმართ ცოტა უნდობლობა და ნეგატივია. ამ მომენტში უნდა ვეცადოთ ერთიანი ჯგუფის შექმნას იმ სურვილით და ენერგიით, რამაც ევროპის ჩემპიონობამდე მიგვიყვანა. თუმცა, სიტუაცია მარტივი არ არის.
ვინ შეცვლის კიელინის? მისი ჩანაცვლება, როგორც ლიდერის, შეუძლებელია. ყველამ უნდა სცადოს, რომ უფრო ქარიზმატულები გახდნენ. ახალგაზრდებმა უფრო მეტი პასუხისმგებლობა უნდა აიღონ“, – თქვა ბარძალიმ.
შეგახსენებთ, რომ ჯორჯო კიელინიმ „იუვენტუსი“ და იტალიის ნაკრები დატოვა. ის სავარაუდოდ კარიერას MLS-ში გააგრძელებს.