ტურინის „იუვენტუსის“ მცველი დანილო „ბარსელონას“ თვალთახედვის არეშია. როგორც Mundo Deportivo წერს, ესპანური გუნდი ზაფხულში მარჯვენა მცველის ყიდვას ეცდება და პრიორიტეტული ბრაზილიელის ვარიანტია.
თუმცა, ეს არ იქნება ადვილი ოპერაცია, რადგან დანილოს „იუვენტუსთან“ კონტრაქტი 2024 წლამდე აკავშირებს და მაღალი ხელფასიც აქვს, შესაბამისად, „ბარსას“ სხვა გამოსავალზე ფიქრი მოუწევს.
წყაროს თანახმად, ეს გამოსავალი შესაძლოა, სერჯინო დესტში არსებობდეს. კატალონიელები მზად არიან „იუვენტუსს“ ამერიკელი და ბრაზილიელი განაპირა მცველების პირდაპირი ბარტერი შესთავაზოს, თუმცა „იუვეს“ პასუხი ჯერ უცნობია.
შეგახსენებთ, რომ დანილო „იუვენტუსში“ 2019 წლიდან თამაშობს და 101 მატჩში 4 გოლი აქვს გატანილი.