მთავარი / სიახლეები / ჯიჯი ბუფონი “იუვეზე”, სკუდეტოზე, დიბალასა და იტალიის ნაკრებზე…

ჯიჯი ბუფონი “იუვეზე”, სკუდეტოზე, დიბალასა და იტალიის ნაკრებზე…

ტურინის „იუვენტუსის“ ყოფილმა მეკარემ, ჯანლუიჯი ბუფონმა, რომელიც ამჟამად „პარმაში“ თამაშობს, იტალიურ მედიას ინტერვიუ მისცა.

44 წლის ჯიჯიმ „იუვეს“, პაულო დიბალას, საჩემპიონო ბრძოლისა და იტალიის ნაკრების შესახებ ისაუბრა.

„იტალია მუნდიალზე რომ გასულიყო, არ მგონია ნაკრებში გამოძახება მიმეღო. მერიტოკრატია ჩემს მხარეზეა, მაგრამ არის სხვა ფაქტორებიც, რასაც უპირატესობა ენიჭება და პატივი უნდა ვცეთ. ბოლო წლებში გაკეთებული არჩევანით ეს ასეა, მიუხედავად იმისა, რომ ვფიქრობ, ნაკრების დონეზე ისევ ვთამაშობ.

ჩვენთვის დამახასიათებელია, რომ სირთულეების დროს ვიცით კარგად თამაში, როცა სიმშვიდეა, გვაკლია ხარისხი. პრობლემები 2010 წელსაც ჩანდა, როცა უბრალოდ მსოფლიოს ჩემპიონატის საგზურის მოპოვებას ვზეიმობდით. მანჩინი? ევროპის ჩემპიონობა მისი დამსახურებაა, მაგრამ ამ წარუმატებლობაში გარკვეული პასუხისმგებლობა აქვს. თუ პორტუგალიასთან პენალტებით წააგებ, ეს სხვა საკითხია, მაგრამ ჩრდილოეთ მაკედონიასთან წაგების შემდეგ ფეხზე წამოდგომა უფრო რთული იქნება.

სკუდეტო? „ინტერი“ ფავორიტია. რამდენიმე წარუმატებელი ნაბიჯი გადადგა, მაგრამ ტურინში გამარჯვებით ფავორიტის სტატუსი დაიბრუნეს. „იუვეს“ „ინტერთან“ რომ მოეგო, ბრძოლაში იქნება, მაგრამ ეს სინანულის სეზონია. ალეგრი? მოედანზე ჩანს, რომ გუნდი უმჯობესდება.

დიბალას წასვლას არ ველოდი, მაგრამ კლუბი გულწრფელი და პირდაპირი იყო, თქვეს,მ რომ პაულო ამ პროექტში ფუნქციონალური არ არის. მას ცუდ ფეხბურთელად არ მიიჩნევენ და ის იპოვის ისეთ კლუბს, სადაც შესანიშნავად ითამაშებს, მაგრამ ეს არ ნიშნავს იმას, რომ „იუვემ“ შეცდომა დაუშვა.

„რეალი“ – „იუვენტუსი“ 1:3? კრიშტიანუს პენალტით ისინი მომდევნო ეტაპზე გავიდნენ, მაგრამ წარმოუდგენელი ემოციები განვიცადე, ვამაყობდი იმით, რომ „იუვეს“ კაპიტანი ვიყავი“, – თქვა ბუფონმა.

შეგახსენებთ, რომ ჯანლუიჯი ბუფონმა 2001-2018 და 2019-2021 წლებში „იუვენტუსში“ 685 თამაში ჩაატარა.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …