მთავარი / სიახლეები / სერია A / “ჯენოა” – “იუვე”: ფეხბურთელთა შეფასებები

“ჯენოა” – “იუვე”: ფეხბურთელთა შეფასებები

ტურინის „იუვენტუსი“ სერია A-ს 36-ე ტურში „ჯენოასთან“ პაულო დიბალას გოლით იგებდა, მაგრამ ბოლო წუთებზე ორი გოლი გაუშვა და 1:2 დამარცხდა. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 6 – მას საოცარი სეივები არ დასჭირვებია, მაგრამ არც მშვიდი საღამო ჰქონია.

კუადრადო 6 – ჩვეულებრივი თამაში, იტალიის თასის ფინალისთვის ტონუსში დაბრუნდა.

ალექს სანდრო 5.5 – სავარაუდოდ, ის „ინტერთან“ ითამაშებს, მაგრამ აგრძელებს ცუდად თამაშს მაშინაც, როცა ცოტა დრო ეძლევა.

ბონუჩი 6 – დაცვაში საუკეთესო იყო.

რუგანი 5.5 – რამდენიმე ხარვეზი ჰქონდა, თუნდაც ყვითელი ბარათი.

დე შილიო 5 – ალეგრის „საბედნიეროდ“, როგორც მან პრესკონფერენციაზე თქვა, 90 წუთი ითამაშა, მაგრამ სწორედ ბოლო წუთებში დაუშვა უხეში შეცდომები.

არტური 5 – არაზუსტი პასები და ჩაწოდებები, თუნდაც აშკარად მარტივ სიტუაციებში. ფორმაში არაა, კიდევ ერთხელ.

ზაკარია 5.5 – მან „იუვენტუსის“ ნახევარდაცვა ვერ გააძლიერა.

მირეტი 6.5 – კარგი თამაში, უფრო რთული ინდივიდუალურ დონეზე, ვიდრე „ვენეციასთან“. მთლიანობაში, „იუვეს“ ნახევარდაცვაში ის საუკეთესო იყო.

ბერნარდესკი 6 – სწორედ ამ კვირაში, „ინტერთან“ მატჩში წყდება მისი ბედი.

რაბიო 6 – ყოველთვის იქ იყო, სადაც საჭიროა.

დიბალა 7 – მარჯვენა ფეხით ულამაზესი გოლი გაიტანა, რობერტო ბაჯოს გაუთანაბრდა მეცხრე ადგილზე „იუვეს“ ყველა დროის ბომბარდირებში. ერთხელ ბურთი ძელს გაარტყა და როგორც იქნა ისე ითამაშა, როგორც მას სურდა ტურინული კარიერის დასასრულში.

აკე შ.გ – მან ბოლო წუთები ითამაშა.

ვლაჰოვიჩი 5 – ცუდად ითამაშა, „როსობლუს“ დაცვაში გაქრა, მხოლოდ ერთხელ ჰქონდა შანსი და სირიგუმ აჯობა. ალბათ, ჯობდა დაესვენა.

მორატა 6 – დაბრუნდა ცენტრფორვარდის პოზიციას, მხოლოდ ერთხელ მიიღო ბურთი ისე, როგორც თავდამსხმელს სჭირდება და კინს საჩუქარი გაუკეთა, რომელმაც ბურთი ცარიელ კარს ააცილა.

კინი 4.5 – ბევრი მომენტი ჰქონდა, ყველა გააცუდა. წარმოუდგენელია, რომ ბოლო წუთზე ცარიელ კარს ააცილა.

ალეგრი 5.5 – გამარჯვება უნდოდა, მაგრამ ვერ მოიპოვა. სცადა, რაც უნდა ეცადა, მაგრამ სახლში წარმოუდგენელი მარცხით ბრუნდება.

შემთხვევითი სიახლე

ბუფონი: “იუვე” სეზონის განახლების შემდეგ შეიძლება შეუჩერებელი იყოს”

„პარმას“ მეკარე ჯანლუიჯი ბუფონმა „იუვენტუსის“ შესახებ ისაუბრა და თქვა, რომ ტრავმირებული ფეხბურთელების დაბრუნების შემდეგ მასიმილიანო …

ფილიპ კოსტიჩი სერია A-ში ნოემბრის საუკეთესო ფეხბურთელად დასახელდა

ტურინის „იუვენტუსის“ ნახევარმცველი ფილიპ კოსტიჩი იტალიის ფეხბურთელთა ასოციაციამ სერია A-ში ნოემბრის თვის საუკეთესო ფეხბურთელად დაასახელა. …