მთავარი / სიახლეები / სერია A / შჩესნი: “პენალტის დროს გამიმართლა”

შჩესნი: “პენალტის დროს გამიმართლა”

ტურინის „იუვენტუსის“ მეკარემ ვოიცეხ შჩესნიმ „სამპდორიასთან“ მატჩის (3:1) შემდეგ კომენტარი გააკეთა. როგორც პოლონელმა ფეხბურთელმა აღნიშნა, პენალტის დროს გაუმართლა და სასიამოვნო გრძნობაა თერთმეტმეტრიანის აღება.

„სიმართლეს გეტყვით: გამიმართლა, რადგან შუაში დარტყმულ პენალტს ველოდი, დარტყმამდე ვუთხარი, რომ შუაში არ დაერტყა და კუთხე ამიტომ ავირჩიე და მოვიგერიე. ბევრი არ მიფიქრია. ნებისმიერ შემთხვევაში, როდესაც მნიშვნელოვან პენალტს იგერიებ, შესანიშნავი გრძნობაა.

დღეს კარგად ვითამაშეთ, თამაშს ვაკონტროლებდით. სასიამოვნოა, ამბობენ, რომ გამარჯვება გამარჯვებას უწყობს ხელს, ბოლო რამდენიმე თამაშში პრობლემების მიუხედავად, სამი ქულა მოვიპოვეთ. ასე რომ, უნდა ვისიამოვნოთ ამ დადებითი მომენტით და ვეცადოთ არ გავჩერდეთ.

გაშვებული გოლი? ეს ხდება. ცუდია, რადგან კარის მშრალად შენახვა მსიამოვნებს, მაგრამ ნებისმიერ შემთხვევაში, მთავარია, რომ სამი ქულა მოვიპოვეთ“, – თქვა შჩესნიმ.

შეგახსენებთ, რომ „იუვენტუსი“ 16 მარტს, ჩემპიონთა ლიგაზე „ვილიარეალს“ დაუპირისპირდება.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …