მთავარი / სიახლეები / “ფიორენტინა” – “იუვე”: ფეხბურთელთა შეფასებები

“ფიორენტინა” – “იუვე”: ფეხბურთელთა შეფასებები

ტურინის „იუვენტუსმა“ იტალიის თასის ნახევარფინალში „ფიორენტინა“ 1:0 დაამარცხა და ფინალს მიუახლოვდა. გთავაზობთ ფეხბურთელთა შეფასებებს Calciomercato-ს ვერსიით:

პერინი 6 – დასაწყისში რამდენჯერმე არადამაჯერებელი იყო, მაგრამ კარი მშრალად შეინახა. ახლა კონტრაქტის განახლების დროა.

დანილო 6.5 – გამოცდილება, ყოველთვის სწორ ადგილას იყო, პოზიციის მიუხედავად.

დე ლიხტი 6.5 – „იუვეში“ ისევ საუკეთესოა.

დე შილიო 5 – ისეთ პოზიციაზე ითამაშა, რომელიც მისთვის უცხოა და ბოლომდე ვერ აითვისა, შეცდომებს უშვებდა დაზღვევაზე და იკონესთან გაუჭირდა.

აკე 5.5 – ძირითადში დებიუტი ჰქონდა, გარემარბია, მაგრამ სხვა პოზიციაზე ითამაშა და გაუჭირდა.

კუადრადო 6.5 – ვენუტის ავტოგოლი არსებითად მისი დამსახურებაა.

ლოკატელი 5.5 – ორმაგ ფაზაში გუნდს ძალა შემატა, მაგრამ დროის გასვლასთან ერთად მოუკლო. საგოლე შეტევა კარგი პასით დაიწყო.

არტური 6.5 – ტორეირას აკონტროლებდა, დიდი წვლილი შეიტანა გამარჯვებაში და გუნდი თითქმის გოლისგან იხსნა.

რაბიო 6 – როგორც ძალიან ხშირად ხდება, არასტაბილური იყო, მაგრამ კუადრადოს გოლში წვლილი მას მიუძღვის.

პელეგრინი 5.5 – ისევ ძირითადში ითამაშა, თავისი საქმე გააკეთა დაცვაშიც, მაგრამ იკონესთან გაუჭირდა.

ვლაჰოვიჩი 6 – მხოლოდ ერთი შანსი მიიღო და თითქმის გოლი გაიტანა.

კინი 5 – უშედეგო თამაში, ამჯერად დაკარგული შანსი.

მორატა 5 – მილენკოვიჩი მას ყოველთვის აჩერებს, კინზე უკეთ არ უთამაშია.

ალეგრი 6 – თუ მიზანი არწაგება იყო, მისია შესრულებული გახლდათ, მაგრამ ბოლოს საერთოდ მოიგო. მართალია, გუნდს 9 ფეხბურთელი აკლდა, პლუს ბონუჩი, მართალია, დაღლილობაცაა, მაგრამ იყო გუნდი, რომელიც შედგებოდა ფეხბურთელებისგან, რომლებიც „ფიორენტინას“ ძირითად შემადგენლობაში მოხვდებოდნენ. გუნდმა ძალიან ცოტა რამ გააკეთა მოედანზე, თუმცა მაინც გაიმარჯვა.

შემთხვევითი სიახლე

როველა გვარდიოლას მოსწონს – ვითარება “იუვეს” ნახევარდაცვაში და პერსპექტივები

ტურინის „იუვენტუსის“ ნახევარმცველი ნიკოლო როველა მიმდინარე სეზონს იჯარით „მონცაში“ ატარებს, თუმცა, ის ერთ-ერთი ყველაზე პერსპექტიული …

“იუვენტუსი” 6 დეკემბერს შეიკრიბება, ორი ამხანგური მატჩიც დაიგეგმა

ტურინის „იუვენტუსი“ მსოფლიოს ჩემპიონატით გამოწვეულ თვესა და 3 კვირას გამოიყენებს და შეკრებას გაივლის, რომლის ფარგლებში …