Juventus.Ge ტურინის იუვენტუსის ქართული ფან კლუბი
ცნობილმა იტალიელმა კომენტატორმა ფრანჩესკო რეპიჩემ ანხელ დი მარიას ტრავმაზე ისაუბრა. როგორც მან თქვა, სამხრეთამერიკელი მოთამაშეები მუნდიალამზე ორი თვით ადრე ყოველთვის ტრავმას იღებენ, რომ მუნდიალს დასვენებული შეხვდნენ.
„დი მარიას ტრავმა მოსალოდნელი იყო. მე მის დამატებაზე უფრო დიდხანს ვიფიქრებდი, იმის გათვალისწინებით, თუ როგორ ემზადებიან არგენტინელები მსოფლიოს ჩემპიონატისთვის. სამხრეთამერიკელები ყოველთვის მსოფლიოს ჩემპიონატის წინ ტრავმას იღებენ. თუმცა, დი მარიას თამაშის ყურება შესანიშნავია. გიჟური მოთამაშეა, როდესაც გადაწყვიტა თამაშის სადავეები ხელში აეღო, დამანგრეველი იყო“, – თქვა რეპიჩემ.
შეგახსენებთ, რომ ანხელ დი მარიამ ტრავმა „სასუოლოსთან“ მატჩში მიიღო და მოედანზე სავარაუდოდ 20-30 დღე ვერ გავა.
