Juventus.Ge ტურინის იუვენტუსის ქართული ფან კლუბი
ტურინის “იუვენტუსს” პრობლემები არ ელევა. იტალიური მედიის ცნობით, “პარი სენ ჟერმენთან” შესაძლოა ანხელ დი მარიამ ვერ ითამაშოს.
არგენტინელმა “ფიორენტინასთან” მატჩის პირველი ტაიმის ბოლოს ფეხში დარტყმა მიიღო და მისი თამაში საეჭვოა. სავარაუდოდ, სერიოზულ ტრავმასთან საქმე არ გვაქვს, მაგრამ ჯერ არ არის გარკვეული გავა თუ არა, ის მოედანზე პარიზში.
გარდა ამისა, ტრავმა მიიღო ალექს სანდრომ და მისი თამაშიც კითხვის ნიშნის ქვეშ დგას. უცნობია, ითამაშებენ თუ არა, ადრიენ რაბიო და დანილოც. ბრაზილიელმა ტრავმა იმავე “ფიორენტინასთან” მიიღო, თუმცა მოედნაზე მაინც 90 წუთი დარჩა, რაბიოს კი ტრავმის გამო ფლორენციაში არ უთამაშია.
შეგახსენებთ, რომ “პარი სენ ჟერმენისა” და “იუვენტუსის” მატჩი 6 სექტემბერს გაიმართება.
