მთავარი / სიახლეები / პესოტო: “მირეტი ვეტერანივით თამაშობს”

პესოტო: “მირეტი ვეტერანივით თამაშობს”

„იუვენტუსის“ ახალგაზრდული გუნდის სპორტულმა დირექტორმა ჯანლუკა პესოტომ ფაბიო მირეტიზე ისაუბრა, რომელმაც წინა ტურში „ვენეციასთან“ „იუვეს“ ძირითად შემადგენლობაში პირველად ითამაშა და ძალიან კარგი შთაბეჭდილება დატოვა.

„ძნელია რამდენიმე სიტყვით გამოხატო „იუვეს“ მთელი ახალგაზრდული სექტორის სიხარული. ყოჩაღ ფაბიო, ან ჩიკო, როგორც ჩვენ ვეძახით, ის იმსახურებს მწვრთნელისა და თანაგუნდელების ნდობას. ვეტერანივით ითამაშა და იმედია, ეს მისი დიდი კარიერის მხოლოდ პირველი მატჩი იქნება.

მთელი ახალგაზრდული გუნდი მას გულშემატკივრობდა. პირველ რიგში ლუიჯი მილანი, რომელმაც ის „იუვეში“ მოიყვანა. ეს იქნება სტიმული ყველა დანარჩენისთვის. მან აჩვენა სიმწიფე“, – თქვა პესოტომ.

შეგახსენებთ, რომ მასიმილიანო ალეგრიმ დააანონსა, რომ მირეტი პარასკევს, „ჯენოასთანაც“ ითამაშებს.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …