მთავარი / სიახლეები / მარცხენა მცველის პოზიციაზე “იუვეს” სიას “ბენფიკას” ფეხბურთელი შეემატა

მარცხენა მცველის პოზიციაზე “იუვეს” სიას “ბენფიკას” ფეხბურთელი შეემატა

ტურინის „იუვენტუსი“ ალექს სანდროს შემცვლელს ეძებს და ზაფხულში შემადგენლობის გაძლიერებას მარცხენა მცველით ეცდება.

ტურინულ გრანდს რამდენიმე ფეხბურთელი დაუკავშირეს, მათ შორის ახალგაზრდა იტალიელები, ანდრეა კამბიასო და დესტინი უდოჯი, მაგრამ არის სხვა სახელებიც. ბოლო ცნობებით, „იუვე“ ლისაბონის „ბენფიკას“ ესპანელი განაპირა მცველის, ალეხანდრო გრიმალდოს მიმართ იჩენს ინტერესს. თუმცა, კონკურენტიც ჰყავს – „ბარსელონა“, რომლის ღირსებას გრიმალდო აკადემიაში 2016 წლამდე იცავდა.

გრიმალდოს გარდა, „ბებერი ქალბატონის“ თვალთახედვის არეში არიან ემერსონ პალმიერი („ჩელსი“), რენენ ლოდი („ატლეტიკო“) და მატიას ოლივეირა („ხეტაფე“).

შეგახსენებთ, რომ ალექს სანდროს „იუვენტუსთან“ კონტრაქტი 2023 წლის ზაფხულში ეწურება, მაგრამ კლუბი მის გასხვისებას აპირებს, რადგან ბრაზილიელი ბოლო დროს მაღალ დონეზე ნამდვილად ვერ თამაშობს.

შემთხვევითი სიახლე

დიბალა: “იუვეში” ბოლო წლები ჩემთვის ადვილი არ იყო”

პაულო დიბალამ განაცხადა, რომ „რომაში“ გადასვლა მისთვის კარგი იყო, რადგან „იუვენტუსში“ ბოლო წლებში ბევრი სირთულე …

მორატა: “ალეგრიმ “ბარსელონაში” არ გამიშვა”

ტურინის „იუვენტუსის“ ყოფილმა თავდამსხმელმა ალვარო მორატამ განაცხადა, რომ იანვარში „ბარსელონაში“ გადასვლა შეეძლო, მაგრამ მასიმილიანო ალეგრიმ …