მთავარი / სიახლეები / კიელინი: “იტალიის ნაკრებს ახლა ყველას მხრიდან მხარდაჭერა სჭირდება”

კიელინი: “იტალიის ნაკრებს ახლა ყველას მხრიდან მხარდაჭერა სჭირდება”

ჯორჯო კიელინიმ სანაკრებო კარიერაც დაასრულა. 37 წლის მცველმა არგენტინასთან მატჩის შემდეგ კომენტარი გააკეთა და თქვა, რომ გულშემატკივრები ნაკრებს გვერდში სწორედ ახლა უნდა დაუდგნენ.

„ვიცოდით, რომ რთული იქნებოდა. გასაგებია, რომ თასის მოგების იმედი გვქონდა, მაგრამ ეს წაგება ვერ წაშლის იმას, რაც იყო. როგორც გუშინწინ პრესკონფერენციაზე ვთქვი, ვიცით, რომ რთული პერიოდი გველოდება და ნაკრებთან ახლოს უნდა ვიყოთ. თავიდან უნდა დავიწყოთ ყველაფერი და იმედი მაქვს, რომ მთელი იტალია, მედიიდან დაწყებული გულშემატკივრებით დამთავრებული, ახლოს იქნება ამ ნაკრებთან, რომელსაც ბევრის გაკეთება შეუძლია“, – თქვა კიელინიმ.

შეგახსენებთ, ჯორჯო კიელინის დებიუტი იტალიის ნაკრებში 2004 წლის ნოემბერში, ფინეთთან ამხანაგურ შეხვედრაში შედგა. მას შემდეგ მან 117 მატჩში 8 გოლი გაიტანა. მან ოთხჯერ ითამაშა ევროპის ჩემპიონატზე (2008, 2012, 2016, 2021), ორჯერ მსოფლიოს ჩემპიონატზე (2010, 2014), ასევე ორჯერ კონფედერაციათა თასზე (2009, 2013) და 2021 წელს ევროპის ჩემპიონი გახდა. კიელინიზე მეტჯერ იტალიის ნაკრების შემადგენლობაში მხოლოდ ჯანლუიჯი ბუფონს (176), ფაბიო კანავაროსა (136) და პაოლო მალდინის (126) აქვთ ნათამაშები.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …