მთავარი / სიახლეები / კაპელო: “დი მარიას, ვლაჰოვიჩსა და მილიკს ერთად თამაში შეუძლიათ”

კაპელო: “დი მარიას, ვლაჰოვიჩსა და მილიკს ერთად თამაში შეუძლიათ”

ტურინის „იუვენტუსის“ ყოფილი მთავარი მწვრთნელი ფაბიო კაპელო ფიქრობს, რომ ანხელ დი მარიას, დუშან ვლაჰოვიჩსა და არკადიუშ მილიკს ერთად თამაში შეუძლიათ. მას დაეთანხმა ფაბრიციო რავანელიც.

ფაბიო კაპელო: „რა თქმა უნდა, სამივეს ერთად თამაში შეუძლია. დი მარია „პარი სენ ჟერმენში“ უკვე თამაშობდა ორ თავდამსხმელთან ერთად. მილიკი განსხვავებული სტილის თავდამსხმელია, გუნდისთვის ბევრს მუშაობს. მნიშვნელოვანია, როგორ კონდიციაში იქნება დი მარია, რადგან ანხელს ყველაფერი აქვს: საფეხბურთო ინტელექტი, ხარისხი. ბალანსის პრობლემა? მე ვიტყოდი, რომ სამივე თუ მოედანზე იქნება, პრობლემა „იუვეს“ კი არა, უფრო მეტოქეებს ექნებათ“.

ფაბრიციო რავანელი: „დი მარია, მილიკი და ვლაჰოვიჩი ფანტასტიკური ფეხბურთელები არიან. რა თქმა უნდა, მომხიბლავი ტრიო. ვლაჰოვიჩი და მილიკი განსაკუთრებით ძლიერები არიან, როცა ფლანგებიდან იღებენ პასებს, მათთვის საუკეთესო სქემა 4-4-2 ან 3-5-3 მგონია“.

შემთხვევითი სიახლე

ბრემერი: “ჩვენ 56 ქულა გაქვს, უფრო სწორად 58”

ტურინის „იუვენტუსის“ მცველმა გლეისონ ბრემერმა „ინტერთან“ გამარჯვების (1:0) შემდეგ ისაუბრა. როგორც მან თქვა, „იუვემ“ მოედანზე …

მაროკი: “იუვეს” ნახევარდაცვამ “ინტერის” ნახევარდაცვას 3:0 მოუგო”

ვეტერანმა ფეხბურთელმა ჯანკარლო მაროკიმ „ინტერი“ – „იუვენტუსის“ მატჩის (0:1) შესახებ ისაუბრა. როგორც მან აღნიშნა, დიდი …