“იუვე” დი მარიასგან საბოლოო პასუხს კვირის ბოლომდე ელოდება

ტურინის „იუვენტუსი“ ანხელ დი მარიას ტრანსფერზე მუშაობას აგრძელებს, მაგრამ არგენტინელი ფეხბურთელისგან გადაწყვეტილების მიღებას ელოდება.

იტალიური მედიის ცნობით, „იუვე“ მზადაა დი მარიას 1-წლიანი კონტრაქტი გაუფორმოს და სეზონში 7 მილიონი ევრო გადაუხადოს. თუმცა, არგენტინელი შემტევისგან პასუხს მიმდინარე კვირის ბოლომდე ელოდება.

შეგახსენებთ, რომ ანხელ დი მარია თავისუფალი აგენტია, მას მსოფლიოს ჩემპიონატის გამო ევროპაში დარჩენა სურს, თუმცა მხოლოდ ერთი წლით, მერე კი კარიერის დასრულებას მშობლიურ „როსარიო სენტრალში აპირებს.