“იუვეს” სტატისტიკა და ფაქტები სერია A-ს 28 ტურის შემდეგ

წარმოგიდგენთ ტურინის „იუვენტუსისა“ და მისი ფეხბურთელების სტატისტიკურ მონაცემებსა და საინტერესო ფაქტებს, რომლებიც სერია A-ს განვლილი 28 ტურის შემდეგ დაფიქსირდა.

5 – 15 ოქტომბრიდან მოყოლებული „იუვენტუსმა“ სერია A-ს 11 საშინაო მატჩში მხოლოდ 5 გოლი გაუშვა და 7-ჯერ კარი მშრალად შეინახა. ევროპის ტოპ 5 ლიგაში მხოლოდ „ლივერპულმა“ და პსჟ-მ გაუშვეს ამ პერიოდში უფრო ნაკლები გოლი (4) და არცერთ გუნდს არ შეუნახავს კარი უფრო მეტჯერ მშრალად.

14 – „იუვენტუსს“ სერია A-ში 14-მატჩიანი წაუგებელი სერია აქვს (9 მოგება, 5 ფრე) და ბოლოს 27 ნოემბერს, შინ „ატალანტასთან“ დამარცხდა (0:1). „ბიანკონერის“ ასეთი კარგი სერია 2018 წლის აპრილიდან 2019 წლის მარტის პერიოდიდან მოყოლებული პირველად აქვს. მაშინ ალეგრის გუნდმა მიჯრით 31 თამაში არ წააგო.

18 – „იუვენტუსმა“ სერია A-ს 28 ტურიდან 18-ში პირველ ტაიმში გოლი არ გაუშვა და მხოლოდ „ნაპოლის“ აქვს უკეთესი შედეგი (20).

2 – „იუვენტუსის“ კარის ჩარჩოში ზუსტად მიმდინარე სეზონში 85-ჯერ დაარტყეს და ეს რიგით მეორე საუკეთესო შედეგია. მხოლოდ „ტორინოს“ დაურტყეს უფრო ცოტა – 78.

1 – დუშან ვლაჰოვიჩი სერია A-ს ბომბარდირთა დავას 20 გოლით ლიდერობს და ასე იქნებოდა პენალტების გარეშეც (15). დუშანი ასევე პირველი დარტყმების რაოდენობით (91) და კარის ჩარჩოში დარტყმებით მეორე (44), ერთი დარტყმით ჩამორჩება ჩირო იმობილეს.

1 – „იუვენტუსში“ ყველაზე მეტად საგოლე შანსს ხუან კუადრადო ქმნის და პაულო დიბალას შემდეგ (36) მეორე დრიბლინგებით (35). ასევე მეორეა მოპოვებული ბურთების რაოდენობით (129), აქ ლიდერი მანუელ ლოკატელია (148).