“იუვენტუსში” კვარაცხელიას დაკარგვას უკვე ნანობენ

ტურინის „იუვენტუსი“ ხვიჩა კვარაცხელიას შეძენასთან ძალიან ახლოს 2021 წელს იყო, მაგრამ სპორტულმა დირექტორმა ფაბიო პარატიჩიმ კლუბი დატოვა და გარიგება ჩაიშალა.

ხვიჩა საბოლოოდ „ნაპოლიში“ აღმოჩნდა, სადაც შესანიშნავი სტარტი აქვს და მთელი იტალია აალაპარაკა. ტურინში კვარას დაკარგვას უკვე ნანობენ.

„იუვეს“ ცნობილმა გულშემატკივარმა ფრანჩესკო ოპინიმ ამის შესახებ 7 Gold-ის პირდაპირ ეთერში ისაუბრა. როგორც მან თქვა, პოტენციური ჩემპიონის, კვარაცხელიას ხელიდან გაშვება ნათლად მიანიშნებს „იუვენტუსის“ მენეჯმენტში არსებულ პრობლემებსა და ნაკლოვანობებზე.