მთავარი / სიახლეები / “იუვენტუსს” ფილიპ კოსტიჩი დაუკავშირეს

“იუვენტუსს” ფილიპ კოსტიჩი დაუკავშირეს

ტურინის „იუვენტუსს“ გერმანულმა მედიამ ფრანკფურტის „აინტრახტის“ ნახევარმცველი ფილიპ კოსტიჩი დაუკავშირა.

Sky-ს ცნობით, 29 წლის სერბი ფეხბურთელი „იუვესთან“ ერთ ნაბიჯშია. კოსტიჩს „აინტრახტთან“ კონტრაქტი 2023 წლამდე აკავშირებს, რომელსაც ან გაახანგრძლივებს, ან კლუბს ამ ზაფხულს დატოვებს. ამიტომ, გარიგება შეიძლება 15 მილიონ ევროდ დაიხუროს და სერბი „იუვეში“ გადავიდეს.

კოსტიჩი მარცხენა გარემარბია, თუმცა, მარჯვენა ფლანგზეც შეუძლია თამაში. აწ დასრულებულ სეზონში მან 43 მატჩი ჩაატარა, 7 გოლი გაიტანა და 15 საგოლე პასი გააკეთა. მათ შორის, ევროპა ლიგაზე, რომელიც მისმა გუნდმა გუნდმა და ის ტურნირის საუკეთესო ფეხბურთელად დასახელდა, თავი 3 გოლით და 6 საგოლე პასით გამოიჩინა, ხოლო ბუნდესლიგაზე 4 გოლი და 9 საგოლე პასი მოდის.

გერმანული მედია წერს, რომ კოსტიჩის ტრანსფერის პროტეჟე დუშან ვლაჰოვიჩია, რომელიც სერბეთის ნაკრებიდან მას ძალიან კარგად იცნობს.

აქვე გეტყვით, რომ ფილიპ კოსტიჩმა „აინტრახტში“ 2018 წლიდან 170 შეხვედრაში 33 გოლის გატანა შეძლო. მანამდე ის „რადნიჩკიში“, „გრონინგენში“, „შტუტგარტსა“ და „ჰამბურგში“ თამაშობდა.

შემთხვევითი სიახლე

ფაჯოლის ძმა: “ნიკოლომ “იუვეს” გამო უარი “მანჩესტერს” და “ინტერს” უთხრა”

ნიკოლო ფაჯოლის ძმამ, ალესანდრო ფაჯოლიმ იტალიურ მედიას ინტერვიუ მისცა, რომელშიც თავისი ძმის შესახებ ვრცლად ისაუბრა. …

მილინკოვიჩ-სავიჩი, რაბიო და მაკკენი – “იუვეს” გეგმები ნახევარდაცვაში

ტურინის „იუვენტუსი“ ზაფხულში რომის „ლაციოდან“ სერგეი მილინკოვიჩ-სავიჩის ყიდვას კიდევ ერთხელ ეცდება. იტალიური მედიის ცნობით, „ბიანკონერი“ …