“იუვენტუსმა” კამბიასოს ტრანსფერზე საბოლოო შეთანხმებას მიაღწია

ტურინის „იუვენტუსმა“ ანდრეა კამბიასოს ტრანსფერზე საბოლოო შეთანხმებას მიაღწია. ამის შესახებ იტალიური მედია წერს.

რადუ დრაგუშინი დათანხმდა „ჯენოაში“ გადასვლას, რამაც ტრანსფერის გაჩარხვის შესაძლებლობა გააჩინა. „იუვე“ გენუურ კლუბს 4 მილიონ ევროს და რუმინელი მცველის სატრანსფერო უფლებებს დაუთმობს.

ამრიგად, კამბიასო, რომელიც მარცხენა მცველია, მაგრამ მარჯვენა ფლანგზეც შეუძლია თამაში, ტურინულ კლუბს შეუერთდება. თუმცა, არაა გამორიცხული „იუვემ“ ის სათამაშო პრაქტიკის მისაღებად ერთი სეზონი სხვა კლუბში გაანათხოვროს.

გასულ სეზონში იტალიის 21-წლამდე ნაკრების მცველმა „ჯენოას“ რიგებში 26 მატჩი ჩაატარა და 1 გოლის გატანა მოახერხა.

Colpo Juventus: fatta per Cambiaso dal Genoa ⚪️⚫️

[✍️@romeoagresti]https://t.co/JT9QzwXekg

— GOAL Italia (@GoalItalia) July 12, 2022