მთავარი / სიახლეები / “იუვენტუსის” მიზანია რემზის კონტრაქტი გაუწყვიტოს

“იუვენტუსის” მიზანია რემზის კონტრაქტი გაუწყვიტოს

აარონ რემზი ტურინშია და გუნდთან ერთად ემზადება, მაგრამ უელსელი მასიმილიანო ალეგრის გეგმებში არ შედის, ის „იუვეს“ პროექტის მიღმაა.

რემზი, რომელმაც გასული სეზონის მეორე ნახევარი იჯარით „რეინჯერსში“ გაატარა, კლუბისთვის დიდი თავის ტკივილია. მას „იუვესთან“ კონტრაქტი 2023 წლის ზაფხულამდე აკავშირებს და მაღალი ხელფასი აქვს – 7 მილიონი ევრო.

აღსანიშნავია, რომ კლუბის განაცხადში რემზის 8-ნომრიანი მაისური საერთოდ გაქრა, რაც ცალსახად მიანიშნებს, რომ ალეგრი მის გამოეყენებას ახალ სეზონში საერთოდ არ აპირებს.

იტალიური მედია წერს, რომ ტურინელების მიზანია უელსელს კონტრაქტი გაუწყვიტონ, რათა მისი მაღალი ხელფასისგან გათავისუფლდნენ, რომელსაც რეალურად არაფრის სანაცვლოდ უხდიან.

შეგახსენებთ, რომ აარონ რემზი „იუვეს“ 2019 წელს უფასოდ შეუერთდა, მაგრამ სეზონში 7 მილიონ ევროს გამოიმუშავებს და კლუბისთვის მოედანზე სარგებლის მოტანა ვერ მოახერხა.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …