Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ ყოფილმა ფეხბურთელმა ანჯელო დი ლივიომ პაულო დიბალას შესახებ კომენტარი გააკეთა. როგორც მან აღნიშნა, კლუბის ერთადერთი ეჭვი არგენტინელი თავდამსხმელს ხშირ ტრავმიანობას უკავშირდება.
„დიბალას ბოლო დროს ყოველთვის ერთი პრობლემა აქვს: გამოჯანმრთელდება და მერე ისევ ტრავმას იღებს. ეს სიტუაცია კლუბს აიძულებს ბევრი იფიქროს. ერთადერთი ეჭვი ფიზიკურ პრობლემებს უკავშირდება. მე ეჭვი არ მეპარება მის თვისებებში, მინდა მთელი სეზონის განმავლობაში ვუყურო. თუმცა, 7 მილიონი ევრო და 3 მილიონი ბონუსიც ბევრია“, – თქვა დი ლივიომ.
შეგახსენებთ, რომ პაულო დიბალას აგენტთან შეხვედრა უახლოეს დღეებშია დაგეგმილი და სავარაუდოდ, ყველაფერი საბოლოოდ გაირკვევა.
