დიბალა: “იუვეში” ბოლო წლები ჩემთვის ადვილი არ იყო”

პაულო დიბალამ განაცხადა, რომ „რომაში“ გადასვლა მისთვის კარგი იყო, რადგან „იუვენტუსში“ ბოლო წლებში ბევრი სირთულე ჰქონდა.

„იუვეში“ ბოლო რამდენიმე წელი ადვილი არ იყო და გარემოს გამოცვლა ჩემთვის უკეთესი გამოდგა. „რომას“ გულშემატკივრები არგენტინელ ფანებს ჰგვანან, „იუვეს“ ატმოსფეროსგან განსხვავებულია, ისინი გიჟები არიან და ვგრძნობ ამ სიყვარულს. მათთვის „რომა“ ოჯახზე მნიშვნელოვანია, ჩვენთანაც, არგენტინაშიც ასეა“, – თქვა დიბალამ.

შეგახსენებთ, რომ პაულო დიბალა „იუვენტუსში“ 2015-2022 წლებში თამაშობდა და 293 მატჩში 115 გოლი გაიტანა.