მთავარი / სიახლეები / ბერნარდესკი: “ძალიან დამწუხრებულები ვართ, მაგრამ ნებისმიერ გუნდთან თამაშ შეგვიძლია”

ბერნარდესკი: “ძალიან დამწუხრებულები ვართ, მაგრამ ნებისმიერ გუნდთან თამაშ შეგვიძლია”

ტურინის „იუვენტუსის“ ფეხბურთელმა ფედერიკო ბერნარდესკიმ „ინტერთან“ მატჩის შემდეგ კომენტარი გააკეთა. როგორც იტალიელმა ნახევარმცველმა აღნიშნა, ძალიან მტკივნეულია, როცა ასე მარცხები.

„ძალიან დიდი სინანულია, ნამდვილად, რადგან პენალტების თამაში შეგვეძლო 10 წამის შემდეგ. შეიძლებოდა იქ წაგვეგო, მაგრამ ასე მარცხი ძალიან დასანანი და მტკივნეულია. მიუხედავად მარცხისა, კიდევ ერთხელ დავამტკიცეთ, რომ ყველა შესაძლებლობა გვაქვს, რომ ნებისმიერ მეტოქეს თანაბრად ვეთამაშოთ.

ჩვენ „იუვენტუსი“ ვართ და ეს არ უნდა დავივიწყოთ. ახლა ყურადღება ჩემპიონატზე უნდა გადავიტანოთ, მეორე წრეში არ უნდა დავუშვათ ის შეცდომები, რაც პირველ წრეში გვქონდა, რამაც ქულები დაგვაკარგვინა. შემდეგ კი, სეზონს მაისში შევაფასებთ. ასეთი წაგების მერე კი საუბარი ძალიან ძნელია“, – თქვა ბერნარდესკიმ.

შეგახსენებთ, რომ „იუვენტუსი“ მომდევნო მატჩს 15 იანვარს, სერია A-ს 22-ე ტურში შინ „უდინეზესთან“ ჩაატარებს.

შემთხვევითი სიახლე

დე ლიხტი: “იუვეზე” ჩემს მიერ გაკეთებული განცხადებები არასწორად გაიგეს”

ტურინის „იუვენტუსის“ ყოფილმა მცველმა მატაის დე ლიხტმა განაცხადა, რომ მის მიერ გაკეთებული კომენტარი „ბიანკონერის“ შესახებ …

“იუვეს” სავარაუდო შემადგენლობა “სასუოლოსთან”

ტურინის „იუვენტუსი“ სერია A-ს პირველ ტურში 15 აგვისტოს, „სასუოლოს“ უმასპინძლებს. მატჩამდე ორი დღით ადრე იტალიურ …