მთავარი / სიახლეები / სერია A / არივაბენე: “პოგბას თაობაზე შეხვედრა არ გვქონია”

არივაბენე: “პოგბას თაობაზე შეხვედრა არ გვქონია”

ტურინის „იუვენტუსის“ აღმასრულებელმა დირექტორმა მაურიციო არივაბენემ უარყო ინფორმაცია, რომ პოლ პოგბას აგენტებთან მის ტრანსფერზე ისაუბრა. როგორც მან თქვა, პოგბას თაობაზე შეხვედრა არ ყოფილა.

„პოგბაზე არ გვისაუბრია. ისინი არიან კინისა და პელეგრინის აგენტებიც, შესაბამისად, ნორმალურია, რომ შევხვდით. პოგბა ნამდვილად არ იყო დისკუსიის ცენტრში. პოლი „მანჩესტერის“ ფეხბურთელია, ამიტომ, ჯერ მის კლუბს დაველაპარაკებით.

ტრანსფერები დაკავშირებული იქნება მდგრადობასთან და იანვარში ვლაჰოვიჩის შეძენა ახალი გუნდის მშენებლობის ნიშანი იყო. ვეცდებით ახალგაზრდა და გამოცდილი ფეხბურთელების ნაზავით შევქმნათ გუნდი. ძლიერი ნახევარმცველი? გეთანხმებით, გვჭირდება და ვაკეთებთ შეფასებებს.

უფრო მეტი იტალიელი გუნდში? მირეტის პირველ გუნდში გადმოყვანა სწორედ ამას ემსახურება, ახალგაზრდები თუ გუნდს გააძლიერებენ, მივესალმებით, მითუმეტეს იტალიელები, თუმცა, ისინი უნდა იყვნენ იმ დონის მოთამაშეები, როგორიც ჩვენ გვჭირდება. იტალიელების გუნდში ყოფნა აკრძალული არ არის, მაგრამ ყოველთვის გვახსოვს მიზნები, რომელთა მიღწევა გვინდა“, – თქვა არივაბენემ.

შემთხვევითი სიახლე

როველა გვარდიოლას მოსწონს – ვითარება “იუვეს” ნახევარდაცვაში და პერსპექტივები

ტურინის „იუვენტუსის“ ნახევარმცველი ნიკოლო როველა მიმდინარე სეზონს იჯარით „მონცაში“ ატარებს, თუმცა, ის ერთ-ერთი ყველაზე პერსპექტიული …

“იუვენტუსი” 6 დეკემბერს შეიკრიბება, ორი ამხანგური მატჩიც დაიგეგმა

ტურინის „იუვენტუსი“ მსოფლიოს ჩემპიონატით გამოწვეულ თვესა და 3 კვირას გამოიყენებს და შეკრებას გაივლის, რომლის ფარგლებში …