ტურინის „იუვენტუსი“ ლისაბონის „ბენფიკას“ ამომავალი ვარსკვლავის, ჟოაო ფელიშის გადაბირებით სერიოზულადაა დაინტერესებული.
პორტუგალიური O Jogo-ს ცნობით, „ბებერი ქალბატონი“ ლისაბონურ გუნდს 19 წლის ტალანტში 75 მილიონ ევროს სთავაზობს.
ჯერჯერობით „ბენფიკას“ პასუხი უცნობია, თუმცა, გამოცემის ინფორმაციით, „არწივები“ ნიჭიერი ფეხბურთელის სანაცვლოდ უფრო მეტს ითხოვენ.
შეგახსენებთ, ფელიში ევროპა ლიგის ისტორიაში ყველაზე ახალგაზრდა ფეხბურთელი გახდა, ვინც ამ ტურნირზე ჰეთ-თრიქი შეასრულა („აინტრახტთან“ სამი დღის წინ).