ტურინის „იუვენტუსის“ ნახევარმცველმა ემრე ჯანმა კრიშტიანუ რონალდუს გაძევებაზე ისაუბრა და აღნიშნა, რომ წითელი ბარათი მსაჯმა დაუმსახურებლად აჩვენა.
გერმანელი მიიჩნევს, რომ მაშინ ყველა ჯარიმაზე იგივე უნდა მოხდეს.
„გავიგე რომ მსაჯმა თმებში ხელის მოკიდებისთვის გააძევა… უცნაურია, რადგან ჩვენ არ ვართ ქალები და ჩვენ ფეხბურთს ვთამაშობთ. თუ ეს წითელი ბარათია, მაშინ ყველა წესის დარღვევაზე მსაჯებმა იგივე უნდა გააკეთონ. გაძევება 100%-ით არ იყო სამართლიანი“, – აღნიშნა ემრე ჯანმა ტელეკომპანია DAZN-თან საუბარში.
შეგახსენებთ, რომ რონალდუმ „ვალენსიას“ მცველ ჯეისონ მურილოს თმებში ხელი მოჰკიდა და ფელიქს ბრიხმა პორტუგალიელი გააძევა. მიუხედავად ამისა, „იუვემ“ შეხვედრა მაინც მოიგო.